Gilusad niadtong Agosto 10 ang Mediator PAGLAUM Program sa Sitio Laslasakan, Brgy. Palma Gil, Talaingod aron mapalig-on ang edukasyon ug kalamboan sa mga Indigenous communities.
Gipangulohan ang programa sa DepEd, Davao del Norte Provincial Government, LGU Talaingod, 60th Infantry Battalion ug Balay Kalinaw.
Gitutokan sa programa ang literacy, values formation ug cultural sensitivity alang sa 50 ka Alternative Learning System o ALS learners sa maong komunidad.
Dungan usab nga giinagurahan ang Balay sa Kinaadman, Mobile Library nga adunay internet access, Community Water System ug Solar Lights.
Matud sa mga opisyal, kabahin ang inisyatiba sa Whole-of-Nation Approach nga nagtumong sa pagpamuhunan sa edukasyon ug kaugmaon sa Indigenous youth.
Gilauman usab nga makatabang ang programa sa pagpalig-on sa kalinaw, pagpalambo sa komunidad ug paghatag og mas daghang oportunidad sa mga kabatan-onan sa Talaingod. | VIA BOMBO EROS PAJOTA
