DAVAO CITY- Giuyonan sa political analyst ang pagkanaog sa pipila ka mga opisyal sa ilang katungdanan sa Department of Education.
Sumala pa ni Political Analyst Ramon Beleno III, nga ang pagkanaog nila DepEd undersecretary ug chief of staff Michael Poa, Undersecretary for administration Nolasco Mempin, Assistant secretary Sunshine Fajarda, assistant secretary for procurement Reynold Munsayac, ug assistant secretary for administration Noel T. Baluyan ang nahiuyon lamang hilabi pa nga una nang nikanaog sa pwesto isip sekretarya sa DepEd si VP Sara Duterte.
Ang labing gikatingala lamang sa nahisgutan mao ang dili pagdungan sa mga opisyal sa pagkanog sa ikaduhang pangulo.
Una nang gikanayon ni DepEd undersecretary ug chief of staff Michael Poa nga maghatag sumala pa ang ilang pagkanaog og libre nga panahon sa pagpili og tawo nga ibutang sa maong posisyon alang sa moabutay nga Secretary sa DepEd, nga si Secretary Angara nga mahimong kabahin sa iyahang team.
Sugyot karon ni Beleno sa katawhan mao ang dili na pagbutang og malisya hilabi pa nga daghan na og problema nga mas angay tagaan og pagtagad ang atong nasud.
Epektibo ang pagkanaog sa mga nahisgutan sa ilang katungdanan ugmang adlawa dungan sa pagkanaog sa pwesto ni outgoing Education Secretary VP Sara Duterte Carpio.
