Posibleng utang nga miabot sa P8 milyon ug personal nga panaglalis ang gitan-aw nga nagtulak sa pagpatay sa political vlogger nga si Alicia Lipata, o mas nailhan isip “Mima Alicia.”
Sumala kang Philippine National Police (PNP) Chief General Jose Melencio Nartatez Jr., migawas sa imbestigasyon nga adunay personal nga panaglalis si Lipata ug ang giingong mga mastermind sa krimen nga nagsugod sa usa ka P8 milyon nga utang.
Giila na usab sa mga nadakpang suspek ang mga giingong mastermind.
Apan, gipatin-aw sa PNP nga kung adunay lain pang motibo sa pagpatay, ang mga mastermind lamang ang makahatag sa hingpit nga pagpasabot niini.
Napatay si Lipata human gipusil sa mga lalaking nagsakay og motorsiklo sa gawas sa iyang balay sa Caloocan City niadtong Hulyo 17.
Samtang, ang iyang live-in partner nga kauban niya sa insidente nasamdan apan naluwas.
Nadakpan sa kapulisan ang gunman ug ang rider atol sa operasyon sa Mabalacat, Pampanga niadtong Hulyo 23, diin nasakmit usab ang mga armas ug granada.
