Gidawat ni Pangulong Ferdinand Marcos Jr. ang kopya sa FY 2027 National Expenditure Program o NEP atol sa pormal nga presentasyon niini sa Malacañang.
Gipresentar ni Acting Department of Budget and Management Secretary Kim Robert C. de Leon ang proposed national budget nga mokabat sa 7.20 trilyong pesos alang sa tuig 2027.
Gisandigan ang maong proposed budget sa tema nga “People-Centered Growth for an Inclusive and Resilient Future,” diin gipunting ang pagpalambo sa mga serbisyo ug programa nga direktang makatabang sa mga Pilipino.
Lakip sa mga prayoridad sa proposed budget ang edukasyon ug panglawas, social protection, food security ug imprastraktura.
Giapil usab sa mga prayoridad ang digitalization, pagpangandam batok sa epekto sa climate change ug mga kalamidad, ingon man ang pagpalig-on sa maayong pagdumala sa gobyerno.
Ang National Expenditure Program mao ang sugyot sa ehekutibong departamento alang sa pondo sa gobyerno sa mosunod nga tuig, nga pagasusi-on ug pagahimoon usab nga basehan sa Kongreso sa paghimo sa national budget.
Sa pagkakaron, magpadayon ang proseso sa pagrepaso ug paghisgot sa proposed 2027 budget sa dili pa kini mahimong General Appropriations Act. | VIA BOMBO EROS PAJOTA
