Gikumpirma ni OVP Assistant Secretary ug Assistant Chief of Staff Lemuel Ortonio nga nahibalo ug miapruba si Vice President Sara Duterte sa mga kalihokan adunay kalabotan sa paggamit sa confidential funds sa iyang opisina.
Atol sa ika-18 adlaw sa impeachment trial, gipangutana ni Presiding Officer Sen. Chiz Escudero si Ortonio kung nahibalo ba si Duterte sa pag-request sa pondo, pag-incash, pagpagawas, paggasto, liquidation ug pagtubag sa Commission on Audit findings.
Mitubag si Ortonio nga nahibalo ug miapruba ang Bise Presidente sa maong mga lakang.
Dugang pa, gikumpirma niya nga ang ₱125 milyon nga confidential funds kaniadtong 2022 nagamit sulod lamang sa 11 ka adlaw, gikan Disyembre 21 hangtod 31.
Giklaro usab ni Ortonio nga wala siyay personal nga kahibalo sa bisan unsang dakong hulga batok kang Duterte nga posibleng mahimong basihan sa confidential fund request, tungod kay security personnel ang mas angay motubag niini.
Sa laing bahin, mipalag ang defense sa pipila ka pahayag sa prosecution nga giisip nilang speculative ug conclusions.
Sa pagkakaron, padayon nga gitutokan sa trial ang chain of approval, paggamit ug accountability sa OVP confidential funds.
