Gipasalig sa Office of the Ombudsman nga andam sila nga ipagawas ang kopya sa SALN (Statement of Assets, Liabilities, and Net Worth) ni VP Sara Duterte-Carpio subay sa subpoena nga giisyu sa House Committee on Justice.
Sumala kang Ombudsman Jesus Crispin Remulla ug Assistant ombudsman Mico Clavano, ilahang tumanon ang obligasyon sa pagsunod sa mga nakasulat sa balaod.
Kahinumduman nga sa unang adlaw pa lamang sa pagdungog, pormal nga nagpagawas og subpoena ang House Committee on Justice aron pugson ang pagpasa sa mga Statement of Assets, Liabilities, and Net Worth (SALN) sa Bise Presidente, lakip ang rekord sa imbestigasyon kabahin sa pagbahad sa kinabuhi sa first family.
Sa botong 34 nga pabor, usa ang nibabag, ug walay abstention, gipalig-on sa komite ang mosyon ni Cong.Joel Chua.
Ang tumong sa mosyon mao ang pag-isyu og subpoena duces tecum ngadto sa Office of the Ombudsman, nga opisyal nga nagbantay sa maong mga dokumento.
Sakop sa subpoena ang mga SALN ni VP Sara sukad sa iyang pagka-mayor sa Davao City gikan 2007 hangtod 2013 ug 2016 hangtod 2022, lakip na ang iyahang kasamtangang SALN isip Vice President gikan 2022 hangtod 2025.
