DAVAO CITY – Gisaway sa New People’s Army Southern Mindanao Regional Operations Command ang tropa sa kasundalohan sa Mindanao kalabot sa plano niini nga mo-recruit ug 300 Lumad aron maoy pangontra sa kagamhanan sa insurgency campaign batok sa komunistang grupo.
Mismong si NPA Merardo Arce Command spokesperson Rigoberto Sanchez ang nagpadayag sa ilang pagsaway sa 10th Infantry Division Philippine Army ilabi na nga ang recruitment sa Lumad trainees gikan sa nagkadaiyang parte sa Davao region ang magsugod karung bulan sa Oktubre.
Una ng Captain Roberto Escalona Jr., acting spokesperson sa 10th Infantry Division nga ang ipahigayon nga recruitment sa mga Lumad ngadto sa military service ang kabahin sa national program sa AFP.
Apan gikanayon ni Sanchez nga ang nahisgutan nga lakang usa sumala pa ka disperado nga lakang aron nga makabaton ug dugang puwersa sa battlefield.
Gitawag sab niini ang maong recruitment sa militar isip “divide-and-rule tactic.”
