Misaka na sa labing menos 165 ang kumpirmadong namatay samtang gatusan pa ang ginapangita human sa grabeng flash flood ug landslide nga miigo sa Nepal-Tibet border.
Narekober sa Nepali police ang 162 ka lawas, samtang tulo ang kumpirmadong namatay sa Gyirong Port sa Tibet. Anaa usab sa 265 ka tawo ang missing sa Chinese side.
Sa Nepal, 403 ka turista ang wala pa makit-i, diin 341 niini mga foreigners. Lakip sa missing ang 142 ka Indians ug mga nationals gikan sa Australia, Britain, Malaysia, Netherlands, Portugal, South Africa, South Korea ug United States.
Giklaro sa US Geological Survey nga ang seismic activity nga unang gituohang linog usa diay ka glacial collapse ug debris flow nga maoy nagpahinabo sa grabeng pagbaha downstream, diin sa kusog nga tubig, lapok ug debris ang tibuok mga komunidad, balay, sakyanan ug infrastructure daplin sa Bhote Koshi ug Trishuli rivers.
Nagpadayon ang search and rescue operations, samtang halos 800 ka emergency workers ug 150 ka sakyanan ang gimobilize sa Tibet.
Gipasidaan usab sa mga eksperto nga posible pang adunay ikaduhang pagbaha tungod sa nagpabiling blockage upstream sa Nepal-China border river.
