Mihatag og dugang nga impormasyon si Atty. Archie Albao, ang labaw sa National Bureau of Investigation (NBI) XI, labot sa nahitabong pagpameke matud pa og mga birth certificates sa pipila ka mga chinese national sa Davao Del Sur niadtong mga nakalabayng bulan.
Gikanayon niini nga patong-patong na sumala pa ang ilahang gipasang-at nga kaso batok ngadto sa Chief sa maong Municipal Civil Registrar ug sa mga kaubanan sab niini nga adunay kalambigitan sa pagpalusot sa maong anomalya.
Dugang pa niini, nga lakip sab sa ilahang gipangkasohan mao ang mga nalambigit nga mga opisyal sab sa Municipal sa Davao Del Sur.
Usa sa mga kasong gi-file niini sa ilahang buhatan mao ang falsification of public documents, violation of civil registry act, ug uban pang upat ka mga kaso nga adunay kalambigitan niining maong pagpameke og dokomento.
