DAVAO CITY – Gihulagway ni Eastern Mindanao Command (EastMinCom) chief Lieutenant General Greg Almerol ang pagsurender sa mga New People’s Army (NPA) leaders ug miyembro niini nga usa ka dakong kaulaw sa mga rebeldeng kalihokan human nga ubay-ubay na sab sa ilang mga sakop ang mibalik na a sabakan sa kagamhanan.
Tipik lamang kini human ang ulahing pagtahan sa laing pito ka mga NPA leaders ngadto sa nagdaiyang unit sa EastMinCom.
Una ng naila ang mga nahisgutan nga sila si Pedro Arnado, chairperson sa Kilusang Magbubukid ng Pilipinas-Southern Mindanao Regional Committee (KMP-SMRC) ug national treasurer; Ruel Dum-ogan alias Regan, Commanding Officer sa HQ Force Neo, North Central Mindanao Regional Committee (NCMRC) ug asawa niining si DN Saritao, Platoon Medic sa Platoon 1 sa susama nga unit; Marvin Magrano alyas Loloy, ug kanhi Provincial Coordinator sa Bayan Muna Sarangani Province ug nagsilbi nga Vice Chairman sa naguba nga Guerrilla Front (GF) Tala Pambansa-Demokratikong Paaralan and Regional Headquarters, SMRC.
Kalakip sab sa mitahan sa tropa sa kagamhanan sila si Eping Iligan Salahay alyas John, Commanding Officer ug Milisyang Bayan sa GF21C, Romeo Bontulan, Team leader of Squad Abe, RHQ, SMRC; ug alyas Dala, kanhi Commanding Officer sa SYP Gabon, GF 88.
Subling nanawagan si Almerol sa mga nahibilin nga miyembro sa Communist Party of the Philippines-New People’s Army (CPP-NPA) nga malinawon nga mitahan ug pahimuslan ang mga programa sa kagamhanan.
Pipila sa rason sa mga nahisgutan mao ang korapsiyon sulod sa kalihokan samtang pipila kanila ang daw gipasagdan na ug wala gihatag ang ilang panginahanglanon.
