DAVAO CITY – Mukabat na ngadto sa 128,558 ang kinatibuk-ang ihap sa mga misupak sa COVID-19 quarantine protocols sa Dakbayan sa Davao sukad gipatuman kini niadtong Marso 2020.
Subay sa report sa Davao City Police Office, 18,871 ang nasikop sa paglapas sa curfew hours, 1,043 sab sa liquor ban, 6,327 alang sa Food and Medicine Pass, ug 27,429 sa physical distancing.
Laing 36,455 sab ang nadakpan tungod sa dili pagsul-on og face mask, 10,250 sa pillion riding without barrier, 26,436 sa non-wearing of face shield, 142 sa pagsumite og falsified reverse transcription polymerase chain reaction (RT-PCR) test results, ug 1,597 sa non-essential travels.
Sa maong mga ihap, 13,884 na ang napasakaan og kaso samtang under filing process pa ang nahibilin. Kasong paglapas sa Republic Act 11332 kon Mandatory Reporting of Notifiable Diseases and Health Events of Public Health Concern Act, in relation to Executive Order 12-B, Series of 2021, partikular sa Section 7.
Prohibition on Mass Gathering), ug in relation to Inter-Agency Task Force for the Management of Emerging Infectious Diseases (IATF) Omnibus guidelines, IATF Resolution 127-A, ug Department of Trade and Industry (DTI) Memo 21-28, Series 2021 ang kaatubangon sa mga nasikop nga indibidwal.
