DAVAO CITY – Moabot na sa 75,486 ka mga tawo ang naka kompleto na sa covid 19 vaccine latas sa Region 11.
Gikanayon ni Department of Health 11 Regional Director Dr. Annabelle Yumang dakong bahin sa nahisgutang ihap ang gikan sa priority group A1 o mga Medical frontliners nga adunay 59,909 gikan sa kinatibuk-ang 88,755 nga nalista.
Gisundan kini sa A2 group o senior citizens nga adunay 12,048 nga nakadawat na ug second dose gikan sa 360,370 nga natala sa tibuok rehiyon.
Samtang 3,529 usab sa A3 group o adults with comorbidities ang nakakompleto na sa bakuna gikan sa 139,175 nga nalista.
Dugang pa ni Yumang, naa sa 709,150 doses sa bakuna na ang nadawat sa Davao Region, diin 332,808 doses niini ang nahatag na sa unang dose gikan sa A1 hangtud A4 group.
