Gikabutyag nga ning panahon nga halos laptop, tablet ug smartphone ang gigamit sa eskwelahan ug trabaho, nadeskubrehan sa University of Tokyo nga mas maayo pa gihapon ang tradisyonal nga pagsulat sa papel.
Gipahayag sa euroscientist nga si Prof. Kuniyoshi Sakai, mas kusog ang brain activity ug mapadali ang recall sa inpormasyon sa higayong kini ang gisulat sa pisikal nga papel kung ikumpara sa mga digital device.
Sa ilahang ekperimento sa 48 ka mga volunteers, migawas nga 25% mas dali matapos ang mga migamit sa papel ug ballpen kung ikumpara sa mga migamit ug gadgets.
Gawas pa niini, pinaagi sa MRI scans, nakita nga mas aktibo ang hippocampus (parte sa utok nga responsable sa memorya ug nabigasyon) sa mga migamit ug ballpen ug papel.
Matod pa sa mga eksperto, ang papel ang mihatag ug “spatial details” susama sa texture, dili maayo nga papel ug irregular strokes nga nagsilbing trigger aron mas daling mahinumduman sa utok ang inpormasyon.
Samtang baliktad usab sa digital screens nga susama o uniform ug nawala ang patial permanence sa higayong nag-scroll o giserado ang app.
