Temporaryo nga makagawas sa kustodiya sa Senado ang kontratistang si Pacifico Discaya aron ipailawom sa operasyon sa iyang tuo nga abaga ,sumala ni Senate Secretary Mark Llandro Mendoza.
Kahinumduman, nga naa sa kustodiya sa Senate detention si Discaya human ma-cite in contempt nga may kalabuutan sa imbestigasyon sa kontorbersiya nga flood control project niadtong Setyembre 2025. Sumala kay Mendoza, nangayo og pabor si Discaya nga ipailawom sa usa ka medical procedure, maoy hinungdan nga temporaryo kini nga maka gawas, apan gihulat pa ang pinal nga clearance niini nga posible sa Huwebes, April 30, 2026.
Gidala sab si Discaya sa ospital niadtong Marso alang sa magnetic resonance imaging (MRI)tungod sa pagsakit sa iyang tuo nga abaga. Gani, gilauman nga magpabilin siya sa ospital sulod sa usa ka semana bago kini ibalik sa Senado aron sa iyang padayon nga kaayohan.
Giklaro sab ni Mendoza nga miagi si Discaya sa pagsusi sa mga doktor sa Senado ug sa ospital bago pa kini gitugutan sa maong operasyon. Dugang pa niya, nga ubanan si Discaya sa mga Senate Security samtang anaa kini sa ospital.
Sa pagkakaron, si Discaya na lamang ang nahibilin nga nakakulong sa Senado gikan sa mga personalidad nga may kalabutan sa maong isyu.
