Misaka na ang ihap sa mga namatay nga biktima ngadto sa 15 ka tawo human sa makalilisang nga bangga sa duha ka tren sa Bekasi, duol sa Jakarta, Indonesia.
Sumala sa mga awtoridad, ang insidente nahitabo niadtong Lunes sa gabii diin ang usa ka commuter train nabangga sa likod sa laing long-distance train human sa mga problema sa operasyon sa riles, lakip ang usa ka sakyanan nga nakababag sa dalan sa tren.Kapin 80 ka pasahero usab ang nasamdan, samtang daghan sa mga biktima nasakitan ug natanggong sa naputol nga mga bahin sa tren.
Ang mga rescue team sa PT Kereta Api Indonesia nagpadayon sa clearing operations ug pagkuha sa mga biktima, samtang giimbestigahan sa mga otoridad ang hinungdan sa aksidente kauban ang National Transportation Safety Committee.
Ang insidente nakapukaw sa kabalaka sa publiko ug nagduso sa panawagan nga palig-onon ang railway safety ug infrastructure sa Indonesia aron malikayan ang susamang trahedya sa umaabot.
