DAVAO CITY – Usa ka opisyal sa rehiyonal nga buhatan sa Home Development Mutual Fund (Pag-IBIG Fund) ang mibutyag niadtong Miyerkules nga ang gidaghanon sa mga na-foreclosed nga propyedad sa Davao City nag-ipon matag buwan.
Sumala ni Engineer Noli Armada, OIC for Home Lending Operations-VisMin Group sa gipahigayon nga AFP PNP Press Corps media briefing kagahapon, naga-tipon ang ilahang properties nga na foreclosed tungod adunay uban nga mga myembro nga dili nila sa salbar ang ilahang mga luna.
Gipasalig ni Armada sa mga miyembro nga ang Pag-IBIG fund adunay remediation program aron magpabilin sa ilang panimalay ang mga adunay utang. Ang maong programa makatabang sa mga nanghulam, labi na sa mga myembro nga adunay deliquent accounts, pag-update sa ilang mga pautang ug paglikay sa possibleng foreclosure. Gidasig sab ni Armada ang mga myembro nga adunay deliquent accounts nga mu apply sa remediation program aron sa ingon masalbar ang ilahang proyedad.
Sa laing bahin, ang Pag-IBIG nilusad sa ilang opisyal nga mobile app-ang virtual nga Pag-IBIG Mobile App nga nagtugot sa mga miyembro sa pagtan-aw sa ilang PagIBIG savings ug tinuig nga dividends, pagkumpirma sa mga savings nga na-remit, ug ang pagbayad sa loans. Ang mobile app mahimong ma-access sa mga miyembro gamit ang ilang virtual Pag-IBig accounts aron masiguro ang proteksyon ug seguridad sa datos niini.
