Misaka sa pinakataas nga lebel sukad 2023 ang credit perception sa mga Pilipino, base sa 2026 Credit Perception Index kon CPI study sa TransUnion Philippines.
Narekord ang CPI score nga 75 gikan sa 73 sa miaging tuig, tungod sa mas taas nga favorability, product trust ug kahibalo sa credit ug financial products.
Matod pa sa report, 1,000 ka consumers ang gisurvey gikan Mayo 6 hangtod 26 aron masukod ang ilang panan-aw ug paggamit sa credit.
Dugang pa, 59% sa mga nangutang miingon nga emergency expenses maoy nag-unang rason, gisundan sa personal expenses, family expenses, utility bills ug education.
Lakip usab sa findings nga 86% sa respondents nagplano nga mas mudaghan ang ilang savings, samtang 73% gusto makakuha og dugang financial education.
Sa pagkakaron, mas daghang Pilipino ang interesado sa digital banks, traditional banks ug credit cards, samtang mikunhod ang pagsalig sa pagpangutang gikan sa pamilya ug mga higala.
Gipasiugda sa TransUnion nga importante gihapon ang financial education ug consumer protection. | VIA BOMBO EROS PAJOTA
