DAVAO CITY – Gikatakda na matud pa nga sugdan sa bulan sa Hunyo ang pagdawat ug mga estudyante nga buot mo-eskwela sa City College of Davao nga ablihan na sa bulan sa Agosto niining kasamtangan nga tuig.
Una ng nasayran nga anaa sumala pa sa usa ka libo ka mga estudyante ang maka-benepisyo o mamahimong maka-eskwela sa nahisgutan nga tulonghaan.
Una ng gibutyag ni Konsehal Pilar Braga, Committee of Education, Science and Technology Chairperson, andam na sila sa pag-abli sa nahisgutan nga tulonghaan ilabi na nga 95% na nila nga naasikaso ang gikinahanglan nga mga rekisitos alang sa operasyon niini.
Una ng nasayran kang Fred Cagape, OIC-President sa City College of Davao, tulo ka kurso ang ilang itanyag atol sa pag-abli sa klase nga gilangkuban sa Bachelor of Science and Technology ; Bachelor of Mechanical Technology nga labing una sa Davao region ug Bachelor of Science in Entrepreneurship.
Posible sab sumala pa nga ihanyag ang kursong Business administration ingon man ang Bachelor of Elementary ug Secondary Education.
Gi-awhag ang mga buot mo-eskwela sa nahisgutan nga tulonghaan nga bisitahon lamang ang ilang FB page alang sa dugang nga mga anunsiyo.
Nasayran nga ang seminary school nga nahimutang sa Catalunan Pequeño ang magsilbing temporary site diin gipondohan sumala pa ug kapin P9 milyon sa gobyerno alang sa pag-repair niini.
