Nagmalampuson nga gipahigayon sa Philippine National Police Women and Children Protection Center (PNP-WCPC), pinaagi sa Mindanao Field Unit (MFU), ang tulo ka dungan nga high-impact operations sa syudad sa Mati, Davao Oriental batok sa Online Sexual Abuse and Exploitation of Children (OSAEC) ug Child Sexual Abuse or Exploitation Materials (CSAEM).
Gihiusa sa maong operasyon ang entrapment ug rescue missions, kauban ang pagpatuman sa Warrants to Search, Seize, and Examine Computer Data (WSSECD) usa ka timaan sa dali, tin-aw, ug organisadong aksyon sa PNP aron maprotektahan ang mga bata gikan sa digital ug pisikal nga gimbuhaton.
Tungod sa maong operasyon, nadakpan ug naluwas ang onse (11) ka mga biktima: walo niini babaye samtang pito ang menor de edad ug usa ka hamtong.
Adunay tulo ka mga bata nga anaa sa risgo. Sumala pa sa ooridad nga adunay tulo ka suspetsado ang nadakpan diin duha ka hamtong nga gidakop, samtang ang usa ka 17-anyos nga babaye, menor de edad nga nasalbar ug gikuha sa kustodiya isip Child in Conflict with the Law (CICL).
Nakakumpiska usab ang mga awtoridad sa digital ug non-digital evidence nga naglambigit sa mga suspetsado sa OSAEC ug CSAEM activities.
Human sa pagpatuman sa mga warrant, gidala ang mga gi-aresto sa police stations alang sa dokumentasyon ug legal nga proseso.
Ang CICL ug ang mga naluwas nga bata gilayon nga gihatod sa City Social Welfare and Development Office (CSWDO) alang sa assessment, psychosocial support, ug proteksyon aron masiguro ang ilang kahimtang ug dugayng kaayohan.
Posibleng mag-atubang ang mga suspetsado sa life imprisonment ug multa nga mokabat sa ₱5 milyon, depende sa kabug-at sa krimen.
