DAVAO CITY – Naglusad og prayer vigil ang mga sakop sa Coalition Against Privatization of Electric Cooperatives ug National Center of Electric Consumers Cooperative alang sa panawagan nga ibasura ang mga gipasakang mga sugyot balaudnon nga mapasa ngadto sa Davao Light and Power Compay ang franchise area sa Norther Davao Electric Cooperative kon NORDECO sa pipila ka mga bahin sa Davao del Norte.
Sumala kang Rene Boy Abrea, chairman sa NCECCO alang sa Davao de Oro ug Davao del Norte nga matud pa ibasura na lang ang tagsa-tagsa ka mga house bill nga gipasaka gumikan kay mao lamang gihapon ang susamang gipasa sa House Bill No. 10554 nga unang gi-veto ni Pangulong Ferdinand Marcos Jr.
kaniadtong Hulyo ning nakalabayng tuig. Pipila ka mga kongresista ang nagpasa og sugyot balaudnon aron palapdan pa ang franchise area sa DLPC sa probinsya ug aron dili na maka-operate pa ang NORDECO.
Panawagan karon sa buhatan nga respetuhon ang prangkisa sa NORDECO ug uban pang electric cooperatives sa pag-distribute og power supply gikan sa Power Sector Assets and Liabilities Management Corporation kon PSALM isip kabahin sa electirfication program sa nasudnong panggamhananan.
Nanawagan sab ang grupo sa National Electrification Administration nga hatagan ug suporta ang mga electric coops ilawom sa Republic Act 10531 o National Electrification Administration Act of 2013 nga maghingusog sa matag koop isip kaugalingong korporasyon ug dili masangko sa privatization.
via || Bombo LJF
