Daghang mga tugpahanan sa Asya ang nagpahugot na sa health monitoring gumikan sa outbreak sa Nipah virus sa West Bengal.
Nakarehistro na og lima ka health workers sa West Bengal nga natakdan sa virus sa miaging mga semana, ug anaa sila karon sa kritikal nga kahimtang.
Samtang 110 ka mga tawo nga ilang nakaharong ang gibutang na sa quarantine facility.
Ang maong virus mahimong mabalhin gikan sa hayop ngadto sa tawo ug adunay taas kaayong death rate nga moabot og 40 porsiyento hangtod 75 porsiyento, ug wala pa’y tambal o bakuna alang niini.
Tungod niini, nagpahugot usab ang Thailand, diin sa tulo ka airport nagpatuman sila og screening, ilabi na sa mga pasahero nga gikan sa India. Mihugot usab ang Nepal sa mga moabot sa Kathmandu airport ug sa pipila ka land border nila nga tapad sa India.
