Naangol ang usa ka 15 anyos nga lalaki human giingong gihampak og “pitsikorno” o brass knuckles sa usa usab ka giingong menor de edad sa , alas 4:00 sa hapon kagahapong adlawa, Hulyo 16, 2026.
Base sa inisyal nga imbestigasyon, nakita sa biktima ang usa ka wala mailhing batang lalaki nga gituohang 14 ngadto sa 15 anyos nga giingong nang-bully sa ubang mga bata sa maong lugar. Misulay ang biktima sa pagpahunong sa maong pagpang-bully nga misangpot sa ilang komprontasyon.
Matud sa kapulisan, mikalagiw ang giingong suspek apan mibalik nga nagdala og pitsikorno.Misunod ang ikaduhang komprontasyon diin gihampak sa suspek ang biktima sa iyang tuo nga abaga sa makausa, ug dayon miikyas. Nabilin sa lugar ang maong brass knuckles nga narekober sa mga otoridad.
Gidala ang biktima ngadto sa Southern Philippines Medical Center (SPMC) alang sa medical examination ug treatment, diin nasuta nga nakaangkon lamang kini og minor contusion ug gamay’ng abrasion sa tuo nga abaga.Padayon pa ang imbestigasyon sa Women and Children Protection Desk (WCPD) aron mailhan ug makumpirma ang eksaktong edad sa giingong suspek.
Matud sa kapulisan, kung mapamatud-an nga 15 anyos o ubos pa ang maong menor de edad, walay kriminal nga tulubagon kini ubos sa Republic Act No. 9344 o Juvenile Justice and Welfare Act, nga giusab, ug ipaubos hinuon sa angay nga intervention program.
