DAVAO CITY – Ipatuman sa kapulisan ang maximum tolerance ngadto sa mga mag-protesta nga gilaumang modagsa atol sa opening ceremony sa Palarong Pambansa nga posibling tambungan ni Pangulong Rodrigo Duterte karong Abril 27 sa Davao City-University of the Philippines (UP) Sports Complex.
Gikanayon ni UP Vice Chancellor for administration Aurelia Luzviminda Gomez nga hugot nga seguridad ang ipatuman atol sa maong adlaw.
Hinuon, gipaniguro ni Gomez nga dili magagikan sa mga estudyante sa UP ang mga posibling mag-protesta sanglit wala mipakita ug pagsupak ang mga tinun-an sa dihang ang lokal nga kagamhanan mipahigayon sa Davao Region Athletic Association (Davraa) sa susamang venue niadtong milabay nga tuig ug sa samang higayon moabot usab ang pangulo sa maong event.
Apan gikanayon niini nga dili nila mapugngan ang ilang mga etsudyante nga molusad ug protesta.
Samtang, gikanayon usab ni Davao City’s Sports Development Division of the City Mayor’s Office (SDD-CMO) officer-in-charge Mikey Aportadera tungod kay natunong ang Palaro sa election campaign period, ilang gilauman ang presensiya sa mga national ug local candidates atol sa event ilabi pa nga si Davao City Mayor Sara Duterte-Carpio mao usab ang founding chair sa regional party Hugpong ng Pagbabago.
Gikanayon usab ni Department of Education (DepEd)-Davao spokesperson Jeneilito Atillo nga angh ilang ahensiya ang “hands off” sa invitation osa mga kandidato atol sa Palaro.
Kini ang sumala pa kabahin sa kamanduan sa ahensiya apil na mga magtutudlo nga angayang mamahimong politcally impartial sa nagsingabot nga midterm election.
