Nagpasalig ang CITY AGRICULTURIST OFFICE kon (CAgrO) ngadto sa publiko sa ilahang kaandam sa posibleng epekto sa El Niño, nga mahimong makaapekto sa produksiyon sa mga mag-uuma ug ani sa mga mananagat. Sa usa ka pamahayag, gibutyag ni CAgrO officer-in-charge Dr. Antonio Obsioma nga gilauman ang El Niño sa katapusan sa tuig ug posibleng molungtad hangtod sa unang kwarter sa 2027.
Dugang pa sa opsiyal nga molungtad ang El Niño hangtod Agosto nga adunay 79% nga posibilidad, ug posibleng molatas hangtod katapusang bahin sa tuig o mosulod sa unang kwarter, depende sa kondisyon. Subay sa mga report, adunay 25% usa nga tsansa sa ‘super’ El Niño nga posibleng magpadayon ang epekto niini hangtod sa unang kwarter sa sunod tuig.
Gikanayon usab niini nga ang El Niño conditions makapakunhod sa produksiyon sa agrikultura ug kadagatan, makapataas sa temperatura nga makaapekto sa suplay sa tubig alang sa farming ug fisheries, makadugang sa risgo sa dangan kon mananap ug sakit sa tanom, ug makapataas sa presyo sa mga produktong agrikultural. Gipakita usab ni Obsioma ang mga preparasyon sa CAgrO, lakip ang P10 milyon nga pondo alang sa dugang nga binhi ug abono, pag-promote sa drought-resistant nga tanom ug gulayon, proposal sa pagpalit og portable solar-powered irrigation systems, ug pag-develop sa dugang nga water sources.
Girekomenda usab niini nga palig-onon sa mga mananagat ang pagtanom sa binhi component plants sa mga fishpond ug pagpalambo sa urban gardening. Gibutyag ni Obsioma nga kung modako pa ang krisis sa El Niño, posible nga mag-isyu og emergency ordinance. Gipamatud-an usab niini nga stable ang suplay sa agricultural ug marine products ug wala pa kini naapektuhan sa El Niño sa kasamtangang panahon.
