Gipahayag ni Pangulong Ferdinand R. Marcos Jr. ang tumong sa gobyerno nga maibsan ang kagutom sa nasud pinaagi sa regular nga pag apod-apod og bugas sa matag pamilyang Pilipino.Sumala pa sa Pangulo, ginaduso sa administrasyon ang programa nga maghatag og bugas kada duha ka bulan o total nga unom ka beses matag tuig sa matag pamilya.
Giingon niini nga pangandoy sa iyang administrasyon nga walay Pilipinong mag-antos sa kagutom sukad siya milingkod sa puwesto.Dugang pa niini, gipasalig sa gobyerno ang padayon nga implementasyon sa mga programa nga maghatag og igong pagkaon ug suporta sa mga pamilyang Pilipino.
Lakip sa mga lakang ang mas lapad nga kampanya batok sa kalisod ug kagutom, ilabi na sa kasamtangang hagit sa ekonomiya. Sa pagkakaron, gipasiugda usab sa administrasyon ang food security ug pagpalig-on sa sektor sa agrikultura aron masiguro ang padayon nga suplay sa pagkaon sa tanang sektor sa katilingban.
Gipahayag usab sa Pangulo nga importante kaayo ang panaghiusa sa gobyerno ug katawhan aron makab-ot ang usa ka nasud nga walay magutman.
