Adunay taas nga posibilidad nga mabuo ang El Niño conditions tali sa Mayo ug Hulyo karong tuiga, sumala sa labing bag-ong taho gikan sa World Meteorological Organization (WMO).
Ang El Niño usa ka natural nga klima nga panghitabo nga nagdala og kusog nga pag-init sa temperatura sa sea surface sa central ug eastern Pacific Ocean.
Nagresulta kini sa paghuyang sa trade winds, nga makausab sa normal nga klima sa kalibutan, sama sa dugay nga hulaw o kakulang sa ulan. Kasagaran kini molungtad tali sa siyam hangtod dose ka bulan.
Sumala sa WMO, bisan makita sa climate models ang potensyal nga kusog nga El Niño event karong tuiga, giingon sa ahensya nga kasagaran dili pa kaayo kasaligan ang mga forecast nga gihimo panahon sa spring, ug mas kumpyansa sila sa prediksiyon nga posibleng mahitabo kini human sa Abril.
Nailhan usab kini nga weather pattern nga makabalda sa klima sa lain-laing rehiyon, diin posible magdala og pagtaas sa ulan sa southern South America, southern United States, pipila ka bahin sa Horn of Africa ug central Asia, samtang magdala usab kini og hulaw sa Australia, Indonesia, ug pipila ka bahin sa southern Asia.
