Mipakita og suporta si Diamond Star Maricel Soriano kang Kapamilya actress Bela Padilla taliwala sa mga kontrobersiya ug personal nga pagsulay nga giatubang niini.
Magkauban ang duha sa Viva Films movie nga “Life After You,” nga gidirekta ni Marla Ancheta.
Atol sa mediacon sa pelikula, gidayeg ni Maricel si Bela dili lamang isip aktres kondili isip tawo ug kauban sa trabaho.
Matod pa ni Maricel, bisan dramatic ug intense ang ilang mga eksena, nahimong malipayon ug memorable ang ilang experience sa set tungod sa ilang suod nga panag-uban.
Dugang pa, giingon sa Diamond Star nga intelligent, talented ug maayo nga aktres si Bela.
Gibutyag usab niya nga nahibal-an niyang adunay personal nga giagian si Bela samtang gihimo nila ang pelikula, maong kanunay niya kining tambagan ug dasigon.
Lakip sa iyang pahinumdom kang Bela nga dili magpadaog sa kasubo tungod kay, matod pa niya, “they cannot put a good actress down.”
Sa pagkakaron, padayon ang promotion sa “Life After You.”| VIA BOMBO EROS PAJOTA
