Miigo ang magnitude 5.4 nga linog duol sa Balut Island, Municipality of Sarangani sa Davao Occidental alas 9:22 sa gabii niadtong September 1.
Base sa Earthquake Information No. 2, natala ang epicenter sa 71 kilometros habagatan-sidlakan sa Balut Island, samtang adunay giladmon nga 106 kilometros.
Tectonic ang gigikanan sa linog ug wala’y gipaabot nga kadaot, apan posible ang mga aftershock.
Sa instrumental intensities, natala ang Intensity III sa Don Marcelino, Jose Abad Santos ug Malita sa Davao Occidental, ingon man sa Kiamba, Sarangani ug Tupi, South Cotabato.
Intensity II usab ang natala sa Digos City sa Davao del Sur; Maasim, Malapatan ug Maitum sa Sarangani; General Santos City; ug T’boli sa South Cotabato.
Samtang, Intensity I ang natala sa Municipality of Sarangani sa Davao Occidental ug Koronadal City sa South Cotabato.
Padayon nga gimonitor sa mga otoridad ang posibleng aftershocks human sa linog.
Giawhag usab ang publiko nga magpabiling alerto ug mosunod sa opisyal nga earthquake advisories, ilabina kon adunay mosunod pang pag-uyog sa mga apektadong lugar.| VIA BOMBO EROS PAJOTA
