DAVAO CITY – Angol ang lima ka mga indibidwal sa nahitabong bangga sa sakyanan nga gilangkuban sa trailer truck ug duruha ka mga pribadong sakyanan sa McArthur Highway kanto Central Park Subdivision, Bangkal ning siyudad.
Gimaneho sumala pa ang international harvester trailer truck nga adunay karga nga mga lubi sa usa ka Marchell Adtoon Navaja, 30, lalaki, ulitawo, residente sa Sibulan Astorga, Davao Del Sur.
Samtang ang Toyota Corolla gimaneho sa usa ka Bryant Angelo Castillo Villa-Abrille,18 anyos, ulitawo, residente sa Tulip Drive Matina, Davao City; samtang ang Chevrolet Trailblazer, kolor puti, ang gimaneho usab sa usa ka John Patrick Moralidad Lim, 20 anyos, ulitawo ug residente sa JP Laurel, General Santos City.
Subay sa inisyal nga imbestigasyon, ang nahisgutan nga sakyanan nagsubay sa McArthur Highway sa susama nga direksiyon gikan sa Matina Crossing, paingon sa Ulas.
Gikanayong ang trailer truck anaa sa inner lane portion sa dalan, samtang ang Toyota ang anaa sa innermost lane.
Mibangga sumala pa ang Chevrolet duol sa rear left portion sa truck gikan sa front right portion niini.
Gumikan sa kakusog sa impact, ang rear left portion sa Chevrolet mibangga usab sa front right side portion sa Toyota.
Tungod sa maong insidente, nakaangkon og seryoso nga injury ang nagmaneho sa Chevrolet ug ang mismong unit niini.
Ang upat ka mga pasahero giila nga sila si Lakambini Luna 20, babaye, dalaga, residente sa Saint Peter St., Toril, Davao City; Don Michael Simon Nagsuban Ocampo, 20, lalaki, ulitawo ug residente sa Apopong, General Santos City; Christian Gabriel M.Saberon, 19, lalaki, ulitawo ug residente sa Samantha homes, Bago Gallera, ning dakbayan ug Andrea Camado Magpantay, 19 anyos, babaye, dalaga, ug residente sa Lubugan, Toril, ning dakbayan.
Susama nga gidala ang mga nahisgutan sa Southern Philippines Medical Center SPMC hospital Bajada ug kasamtangang gi-obserbahan ang ilang kahimtang.
Samtang ang driver sa truck ug Toyota ang temporaryo nga gibalhog sa Talomo Police Station alang sa tukma nga disposisyon.
Gikanayon sab ni Davao City Police Office director Police Colonel Kirby John Kraft nga palawman pa nila ang pagpahigayon ug imbestigasyon kalabot sa maong insidente aron nga madetermina kung unsa ang tinuod nga panghitabo.
