Gimandoan sa Supreme Court ang Kongreso nga tumanon ang mandatoryong katungdanan niini ubos sa 1987 Constitution sa pagpasar og balaod batok sa political dynasties.
Sa unanimous nga ruling sa Supreme Court En Banc kaniadtong Agosto 26,2026 nakit-an sa korte nga ang 39 ka tuig nga kapakyasan sa Kongreso sa paghimo og balaod nga magdili sa political dynasties usa ka grave abuse of discretion.
Matud sa korte, ang Article II, Section 26 sa Konstitusyon dili lamang aspirational provision, apan usa ka constitutional command nga nagmando sa Estado sa pagdili sa political dynasties pinaagi sa balaod.
Bisan pa niini, wala magtakda ang Supreme Court og deadline alang sa Kongreso, apan gipasiugda nga dili kini pasabot nga mahimong ipalangan og walay katapusan ang maong katungdanan.
Ang Kongreso nagpabilin nga adunay awtoridad sa pagtino kung unsa ang pasabot, sakop, ug mga probisyon sa balaod batok sa political dynasties.
Samtang, gipangayo sa korte nga himuon kini sa Kongreso sa labing dali nga panahon, inubanan sa urgency.
Sa laing bahin, gipanghimakak sa Korte Suprema ang laing petition nga nagtumong sa pagpugos sa Comelec sa paghimo og mga lagda batok sa political dynasties tungod kay wala pay balaod nga naghubit sa maong pagdili.
