DAVAO CITY – Nanawagan karon ang Department of Agriculture (DA) 11 ngadto sa mga nag-atiman ug mga baboy ilabi na sa lalawigan sa Davao del Sur nga ipahibalo gilayon sa ilang buhatan kung nagluya kini o adunay mga sintomas sa African Swine Fever (ASF).
Tipik lamang kini human nga nagpabiling apektado sa nahisgutan nga disease ang pipila ka mga binuhing baboy sa lalawigan.
Kahinumduman nga sa gipagulang Public advisory number 2 kagahapong adlawa sa Municipal Government sa Magsaysay Davao del Sur, anaa na karon sa Green Purok ang Purok 3 ug 4 sa Barayong; Purok 2, 3, 4 ug 5 sa Brgy. Mabini diin gitangtang na ang lockdown sa maong barangay human nga miubos na ang bahad sa ASF samtang nagpabilin pa sa Red Barangay ang Barangay Kasuga, Dalawinon, Balnate ug Tagaytay.
Sumala pa kang Noel Provido, information officer sa DA-11, dyutay na lamang ang kaso sa Covid-19 sa nahisgutan nga lugar ug salin na lamang kini sa milabay nga outbreak.
Gipasalig sa DA nga andam pa gihapon nga mohatag ug ayuda ang ahensiya alang sa mga apektadong hog raisers.
