DAVAO CITY – Anaa sa 552 ka mga dabawenyos nga na-stranded sa Luzon tungod sa lockdown gumikan sa pagkuyanap sa COVID-19 ang mamahimo na nga makauli sakay sa duruha ka sweeper flights gikan sa Clark, Pampanga ug Manila sugod karong adlawa ug sa Miyerkules.
Ang nahisgutan nga sweeper flights ang maghatud sa mga pasahero sa Clark ug Manila diin sila na-stranded gumikan sa lockdown.
Gikanayong ang 162-seater aircraft sa AirAsia nga gikan sa Clark ang moabot karong adlawa samtang ang 400-seater aircraft sa Cebu Pacific ang moabot sa Miyerkules gikan sa Manila.
Gikanayong sakay sa eroplano nga gikan sa Clark ug Manila ang mga Dabawenyo overseas Filipino workers (OFWs) ug uban pang stranded nga mga residente sa siyudad.
Sa higayon nga maabot na siyudad ang mga pasahero, kinahanglan nga motamud kini sa mandatory 14-day quarantine ayha tugtan nga makabalik sa ilang mga pamilya.
