Posibleng mag-atubang si Senador Robin Padilla og kasong obstruction of justice ug “harboring a fugitive” human siya giakusahan nga mitabang kang Senador Ronald dela Rosa sa pagsibat o paggawas sulod sa Senado niadtong Mayo 14, 2026 sa kadlawon, human sa nahitabong buto-buto sa armas sa Senate premises.
Sumala kang Rep. Leila de Lima, House Senior Deputy Minority Leader ug representante sa Mamamayang Liberal Party-list, posibleng adunay legal nga tulubagon si Padilla kon mapamatud-an ang alegasyon.
Dugang pa ni De Lima, importante nga mausisa pag-ayo ang insidente aron malikayan ang posibleng pagpanghilabot sa imbestigasyon ug aron mapanubag ang tanang mahimong nalambigit sa kontrobersyal nga panghitabo.
Gipunting usab ni De Lima nga mas maayo kuno nga mosurender na lamang si Sen. Bato aron malikayan ang dugang kagubot ug kontrobersiya.
Matud pa niya, isip kanhing Chief of the Philippine National Police o PNP, nasayod unta si dela Rosa sa proseso sa balaod ug dili na kinahanglan molikay gikan sa mga otoridad.
Sa pagkakaron, wala pa mopagawas og opisyal nga pahayag ang kampo nila Padilla ug dela Rosa kabahin sa maong isyu.
