Miuyon na ang usa ka Chinese-American nga mayor sa Arcadia, California nga si Eileen Wang nga moduso og guilty plea may kalabotan sa federal charge nga pagka-foreign agent sa China.
Sumala sa city manager’s office, mi-resign si Wang isip miyembro sa city council sa Arcadia ug isip mayor pila ka oras human ipahibalo sa publiko ang kaso batok kaniya.
Sa 19-page plea deal nga gisumite niadtong Abril, miuyon ang 58-anyos nga mayor nga mo-plead guilty sa usa ka felony count isip foreign agent sa gobyerno sa China nga walay pahibalo una sa U.S. Department of Justice.
Miangkon usab siya nga nagpalapad ug nagpromotar kini og propaganda nga pabor sa direksyon ug kontrol sa mga opisyal sa gobyerno sa China gikan sa ulahing bahin sa 2020 hangtod 2022, sa panahon nga siya napili sa upat ka tuig nga termino sa Arcadia city council.
