DAVAO CITY – Miabot na sa kapin 20 mil ka mga tawo ang natabangan sa Davao Cash for Work Program sukad gitanyag kini sa lokal nga kagamhanan niadtong bulan sa Hunyo alang sa mga income earner nga naapektuhan ang kapanginabuhian gumikan sa Covid 19 pandemic.
Sumala sa Focal Person sa Work for Davao nga si Norman Baloro, naa sa kapin 7 ka libo na ang nakadawat sa ilang sweldo alang sa 10 ka adlaw nga pagtrabaho.
Sumala ni Baloro, aduna 11 ka mga bathces karon ang Work for Davao nga adunay kinatibuk-ang ibhap nga 20,180 beneficiaries, diin naa sa 80 Million pesos na ang nagamit nga pondo gikan sa 169.9 Million nga budget sa Davao City Governmnet Support Fund gikan sa Department of Budget and Management o DBM.
Ang Work for Davao ang usaka emergency cash-for-work program nga gitanyag sa City Government alang sa mga empleyado nga na-displace o na-retrench sa kompanya gumikan sa pandemya.
Target sa programa nga makatabang sa 42,900 ka mga beneficiaries, diin matag benepisyaryo makadawat ug sweldo nga 396 pesos matag adlaw sulod sa 10 ka adlaw nga pagtrabaho.
Kalakip sa mga tahas sa mga naa ilalom sa Work for Davao Program ang mahimong kabahin sa mga clean-up drive, dengue awareness campaign, ug disinfection sa mga parke ug mga palengke.
