Gipasiugda sa Palasyo nga ang kampo ni Vice President Sara Duterte adunay responsibilidad sa paghatag og ebidensiya kalabot sa giingong “Operation Romanov,” nga gimantala isip hinungdan sa iyang mga pahayag batok sa Pangulo.
Matud pa kang Palace Press Officer Usec. Claire Castro nga gihatagan na og higayon ang Bise Presidente sa pagsumite og mga detalye human siyang gisulatan sa NBI mahitungod sa giingong death threats batok kaniya ug sa iyang pamilya, apan wala kuno kini motubag.
Gipahayag ni Usec. Castro nga walay mahimong imbestigahan ang gobyerno kung walay igo nga impormasyon o ebidensiya nga mopamatuod sa giingong operasyon.
Gipasiugda usab sa Palasyo nga dili mahimong ikatarungan ang “Operation Romanov” sa giingong hulga sa Bise Presidente batok kay Pangulong Ferdinand Marcos Jr.
Dugang pa nga bisan unsa pa ang personal nga kahimtang ni VP Sara isip inahan o miyembro sa pamilya, ang hulga batok sa kinabuhi sa Pangulo nagpabiling seryosong isyu.
