Nanawagan ang kampo ni kanhi Pangulong Rodrigo Duterte sa International Criminal Court (ICC) Trial Chamber III nga i-file pag-usab sa prosecution ang kaso batok kaniya.
Sumala pa sa depensa,nalapas sa prosecution ang katungod sa kanhing pangulo nga mahibalo sa hinungdan ug sulod sa kaso batok sa ialng kliyente.
Base sa motion nga gisumite nga pirmado ni lead defense counsel Peter Haynes, gikuwestiyon niini kung nganong gikinahanglan pa nga ilakip ang mga kanhing kaso ni Duterte sa ICC.
Gipasiugda sa depensa nga ang epektibong remedyo mao ang pag-file pag-usab sa kaso sa Prosecution ug paghatag og klarong impormasyon kang Duterte kabahin niini.
Ang kanhing Pangulo, nag atubang og 3 counts of crime against humanity nga adunay kalabotan sa iyang kampanya batok sa iligal nga droga panahon sa iyang administrasyon.
