DAVAO CITY – Gikondena ni Davao del Norte Governor Edwin Jubahib ang duha ka sagunsong insidente sa pagpatay sa duha ka mga batang babaye sa Tagum City.
Kahinumduman nga unang napalgan ang patayng lawas sa 9 anyos nga si alyas “Mona” niadtong Abril 21 nga gisundan sa bag-uhay lamang nga kamatayon sa 18 anyos nga working student nga si Nike Andy Riana Kassim.
Parehong nakit-an nga nag-buy od ug nadugta ang ilang mga patayng lawas sa managlahing parte sa Tagum City.
Ilabihang gikagul-an sa gobernador ang mga panghitabo sa syudad nga nagkwestyon sa kaluwasan ug seguridad sa publiko lakip na sa mga kababayen-an sa syudad.
Nanawagan sab ang gobernador sa mga hingtungdang ahensya nga tapuson na ang nagpahinabong serye sa mga pagpanulis sa lugar.
Samtang nagbahad sab siya sa mga suspetsado nga dili sila palapson pa sa mga otoridad ug gilayong hatagan ang mga biktima sa gikinahanglang hustisya kanila.
Gipaabot sab ni Jubahib ang iyang pahasubo ngadto sa mga pamilya sa biktima.
via || Bombo LJF
