Byudo na si Jose Manalo busa aduna kini katungod nga magminyo pag-usab ug ang dugay na niining partner nga si Mergene Maranan ang pakaslan niini karong bulan sa Disyembre.
Migawas na sa social media ang engagement ug pre-nup shoots ni Jose ug Mergene, kung diin nahitabo kini sa Canada niadtong bulan sa Abril sa dihang adunay show si Jose kauban si Wally.
Kanhi miyembro sa grupong EB Babes si Mergene ug sa Bulaga nagsugod ang ilahang love story ug niadtong panahuna, anaa sa annulment stage ang kasal ni Jose sa unang asawa nga si Ana Lyn ug anaa usab sa showbiz ang ilahang anak nga si Nico ug Benj Manalo. Adunay duha ka anak si Jose ug Mergene ug aduna usab silay gisagop nga lalaki.
Matod pa nga beach wedding kuno ang mahitabo nga kasal sa duha.
