Mahitumpawak sa grabeng pakigsangka si 3-division world champion John Riel Casimero sa ika-13 sa bulan sa Oktobre sa Yokohama Budokan, Japan.
Naka-rate pa gihapon sa kalibutan sa super-bantamweight class ug makasangka ni Casimero si Saul Sanchez sa Estados Unidos sa naka-schedule nga ten-rounder ug ang resulta ang mahimong importeng papel sa umaabot niini.
Sukad nga mibulag sa MP Promotions si Casimero 35-anyos, ang wala pa nakigsangka sa usa ka kusog nga kalaban ug nakigsangka lamang sa mahinang kalaban.
Gumikan niini, mi-ubos ang stock ni Casimero homan giatubang ang susama kang Ryo Akaho sa Japan, Filipus Nghitumbwa sa Namibia ug Yukinori Oguni, gikan usab sa Japan.
Sa unang higayon sukad gipilde ang Cuban maestro nga si Guillermo Rigondeaux niadtong 2021, gikinahanglang atubangon ni Casimero ang usa ka solidong kalaban susama ni Sanchez nga taga Los Angeles, nga adunay gihuptang 20-3 card ug adunay 12 knockouts.
Nahilakip sa 20 kadaugan ang Filipino nga si RV Daniega ug Arthur Villanueva nga susamang napilde sa puntos sa usa kahigayon nga world title challenger.
Si Casimero ang nagbaton ug 33-4-1 record ug adunay 22 knockouts ug nagpabiling ang tawo nga kayang mupahagsa kang Naoya “Monster” Inoue, nga gikunsederang nangunang pound-for-pound fighter sa kalibutan sa pagkakaron.
Apan nagdepende usab kini sa mamahimong pakigsangka ni Casimero batok kang Sanchez.
Sa pagkakaron, gidumalahan sa Japanese outfit nga Treasure Boxing Promotion ug nahiabot si Casimero sa Japan pipila ka adlaw na ang nakalabay ug mipailalom dayon sa training.
