Gipakusgan sa militar sa Israel ang ilang operasyon sa West Bank human sa pag-atake nga ikamatay sa duha ka sundalo sa Israel ug upat ka mga Palestino.
Atol sa operasyon, giaresto sa mga sundalo sa Israel ang dul-an sa 50 ka mga Palestino, kadaghanan kanila gikan sa lungsod sa Tal sa habagatan-kasadpang bahin sa Nablus, diin nahitabo ang pagpamusil.
Gisudlan usab sa mga pwersa sa Israel ang hapit 70 ka mga panimalay sa mga Palestino isip kabahin sa ilang crackdown sa maong lugar.
Kahinumdoman nga gimando ni Israeli Prime Minister Benjamin Netanyahu ug Defense Minister Israel Katz ang mas lapad nga military operations sa West Bank human sa pag-atake duol sa Havat Gilad settlement nga ikamatay sa duha ka sundalo sa Israel ug ikasamad sa tulo pa ka uban.
