Nagka-uyon ang Iran ug Estados Unidos nga ipahunong ang bag-ong pagsamot sa tensyon sa Gulf ug ipadayon ang diyalogo bahin sa ilang sigalot sa Strait of Hormuz.Dugang pa niini, giingon nga ang maong lakang nagtimaan sa posibleng pagtapos sa panagbangi ug palitanay og pag-atake nga nakaapekto sa interim peace agreement sa duha ka nasod.
Sumala pa sa usa ka senior US official, giplano nga magtapok ang duha ka panig karong Hunyo 30 sa Qatar, apan sa kasamtangan wala pa’y opisyal nga kumpirmasyon gikan sa White House. Kahinumduman, misamot ang tensyon human sa pipila ka adlaw nga panagbinayloay og pag-atake tali sa US ug Iran, sugod niadtong miaging Huwebes sa dihang naigo ang usa ka cargo vessel sa Strait of Hormuz.
Dugang pa niini, niadtong Domingo, gilusad sa Iran ang missile ug drone attacks sa mga military site sa US, Kuwait ug Bahrain, human sa pahimangno ni US President Donald Trump nga posibleng pabagsakon ang liderato sa Iran kung dili mosunod sa kasabutan sa paghunong sa gubat.
