Magsugod karong adlawa ang ikaunom nga semana ug ika-14 nga adlaw sa impeachment trial ni Vice President Sara Duterte, diin magpadayon ang pagpaminaw sa Article I kabahin sa giingong sayop nga paggamit sa confidential funds.
Sa ika-lima nga semana, nagpadayon ang prosecution sa pagpresentar sa mga dokumento ug testimonya kabahin sa confidential funds sa OVP ug DepEd. Sa ika-12 nga adlaw, gipasiugda ang mga rekord nga adunay pirma ni Duterte, lakip ang utilization ug accomplishment reports ug disbursement vouchers.
Sa ika-13 nga adlaw, gipadayon ni COA supervising auditor Xylene May del Campo ang pagsusi sa acknowledgment receipts ug gihisgutan ang pag-authenticate sa mga dokumento.
Karong ika-14 nga adlaw, gilauman ang pagbalik ni Del Campo, uban nila House Archives chief Marivic Pareja ug kanhing Special Disbursing Officers nga sila Gina Acosta ug Edward Fajarda. Magsugod ang pagtaral alas 10:00 sa buntag.
