-- ADVERTISEMENT --
DAVAO CITY – Gihinumdom karong adlawa sa mga residente sa New Bataan Compostela Valley ang ika-pito ka tuig nga paghinumdom sa pag-igo sa bagyong Pablo sa lalawigan nga mikalas og daghanang kinabuhi.
Sumala pa kang Gov. Tyron Uy, adunay gipahigayon nga misa alas kuwatro kaganinang kaadlawon dayon gisundan kini sa prusisyon gikan sa Fr. Padua Parish paingon sa San Roque parish sa Barangay Andap Compostela Valley.
Adunay dakong krus usab nga gitukod aron didto ihalad ang pag-ampo alang sa mga residente nga wala na igkita human ang pag-igo sa Bagyo.
Gitataw sab ni Gov. Uy nga gawas sa santos nga misa, adunay ipahigayon usab nga programa isip paghandom ug paghatag og respesto sa daghanang kinabuhi nga nakalas tungod sa pagkuso-kuso sa Bagyo.
