DAVAO CITY – Misaka na ngadto sa pito ang namatay ug miabot sa 48 ang gikatahong missing sa nahitabong landslide sa Zone 1, Barangay Masara, Maco, Davao de Oro.
Kana sumala sa pinakaulahing datos sa Municipal Disaster Risk Reduction and Management Office (MDRRMO)- Maco as of Februart 7, 4:30 PM.
Niabot sa 31 ang ihap sa mga nasamdan paghuman sa landslide. Samtang, mokabat sa 758 ka mga pamilya gikan sa silingang mga komunidad ang gipabakwit ug nagpabilin sa mga evacuation centers sa lungsod sa Mawab, nga pinakaduol nga lungsod sa Maco.
Naka-standby akaron ang mga rescue team gikan sa 10ID, 1001st Brigade, 25IB, ug 60IB sa nagkalain-laing lugar duol sa incident site diin dunay mga military vehicles ang gipagamit alang sa dugang pwersa ug mapadali ang search and rescue operation.
Kinatibuk-ang 14 military vehicles ang gipadala sa lugar aron nga mosuporta sa rescue operations og uban pang mga sakyanan gikan sa nagkadaiyang organizations og ahensiya samtang naka-stand by ang mga heavy equipment gikan sa Apex Mines alang sa clearing operations.
Sa pikas bahin, naglusad og aerial inspection si Pangulong Bongbong Marcos kagahapon sa lugar nga gipanghitaboan sa insidente.
