DAVAO CITY – Andam na ang Integrated Bar of the Philippines (IBP) Davao City Chapter alang sa ilang ikaduha nga hugna sa libre nga “Legal Aid Mission” alang sa mga Overseas Filipino Workers (OFWs) sa Singapore karung bulana.
Sumala pa kang IBP-Davao president lawyer Rogelio Largo, anaa sa 29 ka mga abogado ang mipalit na ug ticket paingon sa Singapore alang sa ilang mission sa Enero 18 hangtud 21.
Tumong sumala pa sa iyang proyekto nga matabangan ang mga OFWs, nga nanarbaho sa nahisgutan nga nasud isip mga domestic helpers o nag-atubang ug isyu ingon man concerns nga adunay kalambigitan sa ilang pamilya.
Gitataw sab ni IBP-Davao director lawyer Marie Kristine Reginio, usa sa mga nakatambong sa unang legal aid mission sa Hong Kong kaniadtong 2017, gihulagway niini nga ang mga OFWs nga anaa sa abroad adunay dakong kasinatian sa ilang sitwasyon kung itandi sa pagtuo sa ilang mga pamilya nga anaa dinhi sa Pilipinas.
Gikanayong pinakasakit nga sitwasyon sa mga ginikanan mao ang mahilayo sa ilang mga anak aron lamang manarbaho sa abroad.
Samtang gitataw sab ni Largo nga ang IBP Davao City chapter buot nga momugna ug sense of volunteerism sa bahin sa mga abogado isip pamaagi sa ilang paghimo sa social responsibility pinaagi sa maong proyekto.
