Mipanaw na ang Oscar-winning Irish musician ug singer-songwriter nga si Glen Hansard sa edad nga 56 human naaksidente samtang nagmotorsiklo kini sa Lower Road sa Lucan, kasadpang bahin sa Dublin, Ireland. Sumala pa, namatay si Hansard tungod sa grabeng mga samad nga iyang naangkon sa maong aksidente.
Sa pagkakaron, wala pa gipagawas ang dugang detalye sa mga otoridad kalabot sa hinungdan sa nahitabong disgrasya. Kahinumduman nga unang nakabantog si Hansard sa iyang pag-apil sa musical comedy film nga The Commitments niadtong 1991. Dugang pa niini, siya usab ang frontman sa rock band nga The Frames, nga nahimong usa sa labing nailhang alternative rock bands sa Ireland. Lakip sa dagkong kalampusan sa iyang kapin tulo ka dekada nga karera mao ang pagdaog sa Academy Award alang sa Best Original Song niadtong 2008.
Dugang pa, nominado usab siya sa Grammy Awards niadtong 2016 alang sa Album of the Year pinaagi sa album nga Didn’t He Ramble. Samtang, midagsa ang mga mensahe sa pagbangutan gikan sa mga artista ug musikero sa nagkalain-laing bahin sa kalibotan. Lakip sa unang nagpahayag og pahasubo sila Ed Sheeran ug Bruce Springsteen, nga parehong nagpasalamat sa dakong kontribusyon ni Hansard sa industriya sa musika.
Sa kasamtangan, padayon ang paghinumdom sa mga fans ug kauban sa industriya sa kabilin nga gibiyaan ni Glen Hansard isip usa sa labing respetadong musikero ug songwriter sa Ireland.
