Gikalipay ni Davao City Covid 19 Task Force Dr. Michelle Schlosser ang positibong tubag sa katawhan ning dabayan sa dabaw sa Bayanihan Bakunahan 3-day National Vaccination Days kontra Covid 19.
Gikanayon ni Schlosser, giconsolidate pa sa vaccinatioin cluster ang kinatibuk-angn ihap sa mga nagpabakuna gikan niadtong adlaw nga LUnes hangtud karong adlawa miyerkules – ang katapusang adlaw sa 3 ka adlaw nga national vaccination day.
Ang nahisgutang ihap ang gikan sumala pa sa 27 ka mga city run vaccination sites, mga private ug sectoral-led vaccination site, ug mobile vaccination.
Sumala ni Schlosser gilauman nila nga makab-ot nila ang ilang target sanglit sa Peoples park pa lamang moabot na sa halos tres mil ang nagpabakuna sukad niadtong milabay nga adlaw hangtud karong adlawa.
Gikatarungan sa nahisgutang opisyal nga usa sa nag-una nga hinungdan kung nganong daghan ang nagpabakuna karong panahona gumikan kay daghan nang mga brand sa bakuna ang mamahimong kapilian sa katawhan, gawas pa nga adunay mga ginikanan nga mi-dungan usab sa pagpabakuna sa ilang mga anak nga nag edad ug 12 hangtud 17 anyos.
Tungod niin, positibo si Schlosser nga mahimong mas paspas ang pagkab-ot sa 1.2 million nga target nga herd immuniry sa syudad.
