DAVAO CITY – Gibutyag sa Davao City Public Safety and Security Command Center (PSSCC) nga gihulat pa karon sa siyudad ang pinal nga resulta sa imbestigasyon nga nahitabo sa NCCC mall nga mikalas ug 38 ka mga kinabuhi.
Matud pa kang PSSCC head Benito S. De Leon nga ang ilang mga lakang magdepende sa opisyal nga rekomendasyon sa inter-agency task force nga gimugna human ang insidente.
Kahinumduman nga ang Department of Interior and Local Government (DILG), BFP, National Bureau of Investigation (NBI), Department of Justice (DOJ), ug Criminal Investigation and Detection Group (CIDG) ang maglangkub sa kinatibuk-ang inter-agency investigation team.
Gitataw sab ni De leon nga sa inisyal nga report sa inter-agency investigation, gipagula lamang ang hinungdan sa sunog ug pipila ka mga kakulangon nga tinubdan sa maong insidente.
