Nagtuo si Sen. Erwin Tulfo nga angay magpabilin isip miyembro sa mga Senate committee sila Sen. Jinggoy Estrada ug Sen. Rodante Marcoleta bisan kasamtangan silang nakapiit sa kulungan.
Hinuon, matud ni Tulfo, dili sila angay tugotan sa pagboto sa committee proceedings samtang wala sila personal nga makatambong sa mga sesyon.
Gikumpara niya kini sa nahitabo kaniadto kang kanhing Sen. ug karon Mamamayang Liberal Party-list Rep. Leila de Lima, nga nagpabiling miyembro sa Senate committee samtang detained.
Matud ni Tulfo, nakapadayon si de Lima sa pagsang-at og mga panukalang balaod apan dili siya makaboto tungod kay wala siya makatambong sa mga hearing.
Si Marcoleta kasamtangang nakapiit tungod sa P75-million plunder case, samtang si Estrada anaa sa detention tungod sa P573-million plunder ug graft cases.
Sa laing bahin, giingon usab ni Tulfo nga iyang pangutan-on ang National Electrification Administration kabahin sa posibleng pananagutan sa mga politiko nga dili mobayad sa ilang electricity bills.
Una na niyang gipunting ang giingong pipila ka politiko nga nalambigit sa electric cooperatives apan adunay wala mabayrang konsumo sa kuryente. | VIA BOMBO EROS PAJOTA
